‘कार्टुन्स क्रु’ को नयाँ भिडियोमा पल,‘जता जता पिरतीको बाटो’

युटुबमा चर्चित बनेको ग्रुप ‘कार्टुन्ज क्रु’लाई फिचरिङ गरेर एक म्यूजिक भिडियो तयार भएको छ । ‘जता जता पिरतीको बाटो’ बोलको गीतलाई ‘तिमीलाई देखेपछि आइ लभ यू’ बोलको गीतको सिक्वेल बताइएको छ ।

शुभ मिडिया होमको प्रस्तुति रहेको गीतमा सरोज ओलीको स्वर छ । गीतमा दिनेश थपलियाको शब्द तथा र बसन्त सापकोटाको संगीत छ । यो भिडियोमा संजय लामाको छायांकन छ ।

पोखराका रमणीय स्थानहरुमा सुटिङ गरिएको भिडियोमा नायक पल शाहलाई पनि फिचरिङ गरिएको छ । भिडियोमा कार्टुन्ज क्रुको मेम्बरहरुको कमेडी पाटोलाई देखाईएको छ । कार्टुन्स क्रुले यो भिडियोलाई आफूहरुको कमब्याक बताएको छ ।