यसरि खोले सुरज थापाले टप ५ प्रतिस्पर्धिक गोप्य कुराहरु

टप ६ बाट आउट भएका नेपाल आइडलका एक प्रतिस्पर्धी हुन सुरज थापा, जो एक राम्रा  गायक हुन्, दुर्भाज्ञबस कम भोट पाएको आधारमा उनि नेपाल आइडलबाट निस्कनु पर्‍यो, तर जादा जादै उन्ले नेपाल आइडलमा बाकी ५ प्रतिस्पर्धिको गोप्य कुरा खोलेका छन । यस्तो छ उन्ले भनेका कुरा हरु 

प्रताप दास

मैले जस्तै धेरै स्ट्रगल गरेको व्यक्ति हो प्रताप । पहिले पनि रियालिटी शोमा भाग लिएको अनुभव उसँग छ । मान्छे धेरै मिहिनेती छ र घमण्ड भन्ने एक पित्को पनि छैन । उ एउटा भर्सटाइल गायक हो । संगीतमा एकदमै फोकस छ उसको । उसले सांगीतिक क्षेत्रमा धेरै ठूलो नाम कमाउनेछ ।

निशान भट्टराई

निशान बच्चैदेखि गुरुसँग संगीत सिकेको मान्छे हो । उसको खारिएको आवाज छ । टोन पनि मिठो छ । जस्तो गीतलाई पनि न्याय गर्न सक्छ । उसले आइडल जित्छ वा जित्दैन म ठोकुवा गर्न सक्दिन, तर उ अहिले नै धेरैको आइडल बनिसक्यो । हामी सबैको फेभरेट हो निशान ।

बुद्ध लामा

बुद्ध निर्दोष र मायालाग्दो छ । झट्ट हेर्दा उसले यति मिठो गाउला जस्तो लाग्दैन । नपत्याउने तरिकाले गाउँछ । सबै खालको गीत गाउने क्षमता छ । नेपाल आइडलमा उ सबैभन्दा कान्छो हो । भविष्यमा मिहिनेत गर्दै गएमा उसले संगीत क्षेत्रमा लामो यात्रा तय गर्नेछ ।

सुजाता पाण्डे

सुजाताको गड गिफ्टेड भ्वाइस छ । प्ले ब्याकको लागि एकदम स्वीटेबल स्वर छ । उनको टोन मलाई मन पर्छ । हंसिलो र सहयोगी स्वभावकी छिन् । उनले बाहिर निस्केपछि मसँग ‘डोयट’ गाउँछु भनेकी छिन् । म पनि इच्छुक छु ।

सागर आले

सागर कमलो मन भएको मान्छे हो । सानो-सानो कुरामा रुने र हाँस्ने गर्छ । आफ्नो इमोसनलाई कन्ट्रोल गर्न सक्दैन । उसको गायकी एकदम खतरा छ । भर्सटाइल छ । लोक, पप, आधुनिक जस्तो पनि गाउन सक्छ । उसको स्वर यति दमदार छ कि माइक नै चाहिँदैन । कोठामा गायो भने कोठै थर्किन्छ । भविष्यमा उ एउटा बिजी र पपुलर सिंगर बन्नेछ ।